Step4sport بوابة ستيب الإخبارية
مقالات مشابهة
شهدت الساعات الماضية تطورًا جديدًا في أزمة محمود عبدالمنعم كهربا مهاجم الفريق الكروي الأول بالنادي الأهلي ومنتخب مصر مع نادي الزمالك بخصوص الغرامة المستحقة على اللاعب للقلعة البيضاء.
ونشر الاتحاد الدولي لكرة القدم «فيفا» أمس الأربعاء أجندة القضايا على لائحته حتى شهر مايو المقبل ولم يكن من ضمنها قضية محمود كهربا، مما يعني أن اللاعب قد ضمن مواصلة اللعب مع الأهلي وعدم تعرضه للإيقاف على الأقل لنهاية الموسم الجاري.
وقال أحمد شوبير نجم الأهلي ومنتخب مصر السابق في تصريحات إذاعية اليوم الخميس: «جدول قضايا فيفا مش موجود فيه قضية كهربا يعني باختصار الموسم ده كهربا مكمل مع الأهلي».
وتابع شوبير: «هيحصل ايه الفترة اللي جاية لو طلع حكم وتأييد الغرامة مش هيكون قدام كهربا غير المحكمة الفيدرالية في سويسرا، زي كده اللي نادي الزمالك عمله في قضية مهاجمه المغربي السابق خالد بوطيب».
وأوضح: «فمحمود كهربا يروح على المحكمة الفيدرالية إذا كان الحكم ضده ياخد وقت قد أيه ممكن ياخد الموسم اللي جاي كله كمان.. والحقيقة أنا كنت مستغرب ليه الوقت ده كله في قضايا اللاعبين مع الأندية، لكن عرفت من مشكلة كوليبالي لاعب الأهلي السابق وتأخر الأهلي في الحصول على حقه، إن المسؤولين في الفيفا بيطولوا موضوع التقاضي عشان اللاعب يفضل يلعب قدر الإمكان».
